Нурлан Байбазаровқа вице-премьер – ұлттық экономика министрі ретіндегі үлесі үшін алғыс білдіре отырып, Олжас Бектенов оған кәсіби қызметінде табыс тіледі.
Серик Жумангаринді таныстыру барысында, Үкімет басшысы министрлік алдында тұрған негізгі міндеттерді атап өтті. Негізгі басымдық Президенттің тұрақты экономикалық өсімді қамтамасыз ету жөніндегі тапсырмаларын орындау болады. Қазіргі уақытта елдің экономикасы тұрақты оң көрсеткіштерді көрсетіп отырғаны атап өтілді.
Министрлікке экономикадағы құрылымдық өзгерістерді күшейту, сондай-ақ бюджеттік және салық саясатын тиімділігін арттыру бойынша жұмыстарды жандандыру тапсырылды. Бюджеттік параметрлерді болжау сапасын жақсартуға ерекше назар аудару қажет.
Экономиканың басым секторларында өсімді қамтамасыз ету үшін министрлік бизнеске қолдау көрсету бойынша теңдестірілген саясат жүргізіп, тарифтік реттеу бойынша салмақты көзқарас ұстануы тиіс.