Жамбыл облысы табиғи монополияларды реттеу комитетінің департаментінің бұйрығына сәйкес, 2025 жылдың 1 қаңтарынан бастап орташа тариф 1 м³ үшін 111,27 теңге (ҚҚС-сыз) мөлшерінде енгізіледі, бұл қазіргі тарифпен салыстырғанда 2,18% өсуді білдіреді. Алайда, енді өңірде жеке тұлғалар үшін дифференциалды тариф енгізіледі: тұтынушылар 4 топқа бөлінеді, бұл абоненттердің су жұмсалымының деңгейін көрсетеді.
Бірінші топ ең төмен тарифті төлейтін болады. Бұл категорияға су есептегіш құралдары бар, және айына бір адамға 3 м³-дан аспайтын су жұмсайтын жеке тұлғалар кіреді. Олар кубометрі үшін 78,75 теңге төлейді – бұл бүгінгі күні барлық жеке тұлғалар төлейтін баға.
Екінші топқа 1 адамға 3-тен 5 м³-ға дейін су жұмсайтын адамдар кіреді — олардың тарифі 94,5 теңге болады.
Үшінші топ – 1 адамға 5-10 м³ су жұмсайтын азаматтар. Олардың кубометрі 118,13 теңге болады.
10 м³-дан көп су жұмсайтын адамдар әр кубометрі үшін екі есе баға төлейді — 157,5 теңге.
Есептегіш құралдары жоқ жеке тұлғалар одан да көп төлейді – кубометрі үшін 159,01 теңге.
Түсініспеушіліктер мен негізсіз есептеулерді болдырмау үшін тұтынушыларға абоненттік бөлімге хабарласып, тұратын жері бойынша тіркелген адамдардың санын тексеру ұсынылады.