Қазақстан азаматтары газға қосылу үшін eGov Mobile қосымшасы арқылы өтініш бере алады.

Қызметтен мүлік иесі пайдалана алады. Ол үшін пайдаланушы қосымшада көрсетілген форманың барлық міндетті өрістерін толтырып, мүлікке тіркелген құқықтар туралы ақпаратты растауы қажет.

Қызметті алу үшін пайдаланушы мыналарды орындауы тиіс:

• eGov Mobile қосымшасында авторизациядан өтіп, «Қызметтер» - «Жылжымайтын мүлік және ТКШ» - «Газ тарату желілеріне қосылу үшін техникалық шарттарды беру» бөліміне өту;
• объектінің түрін көрсету және қосылуға мүлікті таңдау;
• объектінің техникалық паспортын тіркеу;
• техникалық шарттың түрін, газбен жабдықтау жүйелеріне қосылу себебін және газ шығынын көрсету;
• газ жабдығының түрін таңдап, санын көрсету және «Жалғастыру» батырмасын басу;
• Face ID/Touch ID арқылы өтінішті қол қою.

Өтініш дұрыс толтырылған жағдайда, қызметтің нәтижесі газ тарату ұйымы - «QazaqGaz Aimaq» АҚ тарапынан техникалық шарттардың берілуі немесе негізделген бас тарту болып табылады.

Табиғи монополиялар саласындағы қолданыстағы заңнамаға сәйкес, техникалық шарттарды беруден бас тарту мынадай жағдайларда мүмкін:

• «QazaqGaz Aimaq» АҚ-ның қажетті реттелетін қызмет көлемін көрсету үшін қажет бос және қолжетімді қуаттар, сыйымдылықтар, орындар, өткізу қабілеттерінің болмауы;
• «QazaqGaz Aimaq» АҚ-ның желілерінің немесе реттелетін қызметті көрсету үшін қажетті басқа мүліктің болмауы.
  Қызмет көрсету мерзімдері объектінің күрделілігіне байланысты: техникалық жағынан күрделі емес объектілер үшін — 5 жұмыс күні, күрделі объектілер үшін — 10 жұмыс күні.

Жаңа функционал ҚР Цифрлық даму, инновациялар және аэроғарыш өнеркәсібі министрлігінің Мемлекеттік қызметтер комитетімен, «Ұлттық ақпараттық технологиялар» АҚ, Энергетика министрлігі және «QazaqGaz Aimaq» АҚ-мен ынтымақтастықта жүзеге асырылды.