Рафаэль Надаль кәсіби мансабын аяқтады.

Испан теннисшісі соңғы матчын өткізіп, үлкен теннистен ресми түрде қош айтысты, деп хабарлайды .

Рафаэль Надаль Vesti.kz

Соңғы турнирінде Рафа Испания құрамасына Дэвис Кубогын жеңуге көмектесе алмады. Командалық әлем чемпионатының ойындары қазіргі уақытта Испанияның Малага қаласында өтуде. Үй командасы ең мықты құрамды шығарды, бірақ үш ойынның нәтижесінде жартылай финалға Нидерландыға 1:2 есебімен жол берді. Осы матчта Надаль Ботик Ван Де Зандшульпқа (6:4, 6:4) есебімен жеңіліп қалды.

"Титулдар, сандар, әрине, бар. Мүмкін, адамдар оларды біледі. Бірақ мені Майоркадағы кішкентай ауылдың жақсы адамы ретінде еске алса екен деймін. Менің арманымның соңынан барған жақсы адам ретінде еске алса екен", — деді теннисші қоштасу сөзінде.

Осылайша, Ботикпен матч ұлы Надальдың мансабындағы соңғысы болды. 38 жастағы теннисші 22 мәрте Үлкен Дулыға турнирлерінің чемпионы, бұл көрсеткішпен тек Джокович ғана алда.

22 жылдық мансабы барысында Надаль 1080 матчты жеңіп, АТР рейтингінде 209 апта бойы бірінші орынды иеленді. Сонымен қатар, испандық үздік ондықта үздіксіз болу бойынша рекорд орнатты – 912 апта.