WTA Қазақстанның бірінші ракеткасын беделді сыйлыққа ұсынды.

Әйелдер теннис ассоциациясының "Жылдың жұбы" сыйлығына үміткерлер белгілі болды, деп хабарлайды Vesti.kz Ktf.kz-ке сілтеме жасап.

Ұйым бұл номинацияға Қазақстанның бірінші ракеткасы Анна Данилинаны және оның ресейлік серігі Ирина Хромачеваны ұсынды.

Олардың қарсыластары: Габриэла Дабровски мен Эрин Рутлиф (Канада/Жаңа Зеландия), Катержина Синякова мен Тэйлор Таунсенд (Чехия/АҚШ), Сара Эррани мен Жасмине Паолини (Италия), Людмила Киченок пен Елена Остапенко (Украина/Латвия) және Се Су-Вей мен Элиза Мертенс (Тайвань/Бельгия).

Жеңімпаздарды теннис журналистерінің дауыс беру нәтижелері бойынша анықталады.

Айта кетейік, Анна мен Ирина осы жылы WTA ұйымдастыруымен 7 титулды иеленді, оның ішінде Қытайдың Ухань қаласында өткен "мыңдық" турнирі де бар. Қазақстандық ойыншы маусымды жұптық разрядта әлемдік рейтингте 22-орында аяқтады.